حوزہ نیوز ایجنسی کی رپورٹ کے مطابق، کویتی میڈیا رپورٹس کے مطابق زینب دشتی کو "فتنہ انگیزی" اور "ملکی مفادات کو نقصان پہنچانے" کے الزامات کے تحت تین سال قید کی سزا سنائی گئی تھی، جسے عدالتی نظام نے برقرار رکھا ہے۔
یہ فیصلہ ایسے وقت میں سامنے آیا ہے جب گزشتہ عرصے کے دوران زینب دشتی کو سوشل میڈیا پر اپنے ذاتی اکاؤنٹس کے ذریعے جنگ کے حوالے سے بعض آراء اور مؤقف پیش کرنے پر شدید تنقید اور حملوں کا سامنا کرنا پڑا تھا۔ ناقدین کا کہنا تھا کہ ان کی پوسٹس اور تبصرے ایران کے ساتھ ہمدردی اور حمایت کی عکاسی کرتے ہیں۔
رپورٹ کے مطابق انہی بیانات اور سوشل میڈیا سرگرمیوں کو بنیاد بنا کر ان کے خلاف قانونی کارروائی کی گئی، جس کے نتیجے میں عدالت نے انہیں تین سال قید کی سزا سنائی، جسے اب باضابطہ طور پر برقرار رکھا گیا ہے۔
آپ کا تبصرہ